ہاجرہ مسرور اور خدیجہ مستور
ﭘﺎﮐﺴﺘﺎﻥ ﮐﮯ ﻭﺟﻮﺩ ﻣﯿﮞ آنے ﺳﮯ ﮐﭽﮫ ﻋﺮﺻﮧ ﻗﺒﻞ ﺩﻭ ﺑﮩﻨﯿﮟ ﺍﺭﺩﻭ ﺍﻓﺴﺎﻧﮯ ﮐﮯ ﻣﻨﻈﺮ ﭘﺮ ﻧﻤﻮﺩﺍﺭ ﮨﻮﺋﯿﮟ۔ ﺍﻥ ﺑﮩﻨﻮﮞ ﻧﮯ ﺍﻧﮕﺮﯾﺰﯼ ﺍﺩﺏ ﮐﯽ ﺑﺮﻭﻧﭩﮯ ﺳﺴﭩﺮﺯ ( ﺷﺎﺭﻟﭧ ﺍﻭﺭ ﺍﯾﻤﻠﯽ ) ﮐﯽ ﻃﺮﺡ ﺍﺩﺑﯽ ﺩﻧﯿﺎ ﻣﯿﮟ ﺯﺑﺮﺩﺳﺖ ﺍﺭﺗﻌﺎﺵ ﭘﯿﺪﺍ ﮐﺮ ﺩﯾﺎ۔ ﯾﮧ ﺩﻭﻧﻮﮞ ﺑﮩﻨﯿﮟ ﺑﺮﻗﻌﮯ ﺍﻭﮌﮪ ﮐﺮ ﺍﻧﺠﻤﻦ ﺗﺮﻗﯽ ﭘﺴﻨﺪ ﻣﺼﻨﻔﯿﻦ ﮐﮯ ﺍﺟﻼﺳﻮﮞ ﻣﯿﮟ ﺷﺮﮐﺖ ﮐﺮﺗﯿﮟ ﺟﻮ ﺑﻤﺒﺌﯽ ﻣﯿﮟ ﺳﯿﺪ ﺳﺠﺎﺩ ﻇﮩﯿﺮ ﮐﯽ ﺭﮨﺎﺋﺶ ﮔﺎﮦ ﭘﺮ ﻣﻨﻌﻘﺪ ﮐﯿﮯ ﺟﺎﺗﮯ ﺗﮭﮯ۔ ﯾﮧ ﺑﺮﻗﻊ ﭘﻮﺵ ﺑﮩﻨﯿﮟ ﺗﮭﯿﮟ ﺧﺪﯾﺠﮧ ﻣﺴﺘﻮﺭ ﺍﻭﺭ ﮨﺎﺟﺮﮦ ﻣﺴﺮﻭﺭ۔
ﮨﺎﺟﺮﮦ ﻣﺴﺮﻭﺭ ﮐﺎ ﺁﺑﺎﺋﯽ ﺗﻌﻠﻖ ﮨﻨﺪﻭﺳﺘﺎﻥ ﮐﮯ ﻣﺮﮐﺰِ ﻋﻠﻢ ﻭ ﺍﺩﺏ ﻟﮑﮭﻨﺌﻮ ﺳﮯ ﺗﮭﺎ۔ ﺟﮩﺎﮞ ﻭﮦ 17 ﺟﻨﻮﺭﯼ 1929 ﺀ ﮐﻮ ﭘﯿﺪﺍ ﮨﻮﺋﯽ ﺗﮭﯿﮟ ۔ﺍﻥ ﮐﮯ ﻭﺍﻟﺪ ﮈﺍﮐﭩﺮ ﺗﮩﻮﺭ ﺍﺣﻤﺪ ﺧﺎﻥ ﺑﺮﻃﺎﻧﻮﯼ ﻓﻮﺝ ﻣﯿﮟ ﮈﺍﮐﭩﺮﺗﮭﮯ۔
ﮨﺎﺟﺮﮦ ﻣﺴﺮﻭﺭ ﮐﯽ ﭘﯿﺪﺍﺋﺶ ﮐﮯ ﮐﭽﮫ ﺑﺮﺱ ﺑﻌﺪ ﺩﻝ ﮐﮯ ﺩﻭﺭﮮ ﺳﮯ ﺍﻥ ﮐﮯ ﻭﺍﻟﺪ ﺍﻧﺘﻘﺎﻝ ﮐﺮﮔﺌﮯ ﺍﻭﺭ ﺧﺎﻧﺪﺍﻥ ﮐﯽ ﺫﻣﮧ ﺩﺍﺭﯼ ﺍُﻥ ﮐﯽ ﻭﺍﻟﺪﮦ ﮐﮯ ﮐﺎﻧﺪﮬﻮﮞ ﭘﺮ ﺁﮔﺌﯽ۔
ﻭﺍﻟﺪ ﮐﮯ ﺍﻧﺘﻘﺎﻝ ﮐﮯ ﺑﻌﺪ ﺍﻥ ﮐﺎ ﮔﮭﺮﺍﻧﺎ ﻧﺎﻣﺴﺎﻋﺪ ﺣﺎﻻﺕ ﮐﺎ ﺷﮑﺎﺭ ﮨﻮﺍ ﺍﻭﺭ ﺍﻧﮩﻮﮞ ﻧﮯ ﺳﺨﺖ ﺣﺎﻻﺕ ﻣﯿﮟ ﭘﺮﻭﺭﺵ ﭘﺎﺋﯽ۔
ﮨﺎﺟﺮﮦ ﮐﯽ ﻭﺍﻟﺪﮦ ﮐﭩﮭﻦ ﻭﻗﺖ ﻣﯿﮟ ﻧﮩﺎﯾﺖ ﺑﺎﮨﻤﺖ ﺧﺎﺗﻮﻥ ﺛﺎﺑﺖ ﮨﻮﺋﯿﮟ۔ ﺍﻧﮩﻮﮞ ﻧﮯ ﺍﭘﻨﮯ ﺑﭽﻮﮞ ﮐﯽ ﺗﺮﺑﯿﺖ ﺍﻭﺭ ﭘﺮﻭﺭﺵ ﻧﮩﺎﯾﺖ ﺍﭼﮭﮯ ﺍﻧﺪﺍﺯﻣﯿﮟ ﮐﯽ۔
ﮨﺎﺟﺮﮦ ﻣﺴﺮﻭﺭ ﮐﯽ بہن ﺧﺪﯾﺠﮧ ﻣﺴﺘﻮﺭ ﺑﮭﯽ ﺍُﺭﺩﻭ ﮐﯽ ﻣﻌﺮﻭﻑ ﺍﺩﯾﺐ ﺗﮭﯿﮟ۔
ﺍﻥ ﮐﮯ ﺍﯾﮏ ﺑﮭﺎﺋﯽ ﺗﻮﺻﯿﻒ ﺍﺣﻤﺪ ﺻﺤﺎﻓﺖ ﺳﮯ ﻭﺍﺑﺴﺘﮧ ﺭﮨﮯ ﺟﺒﮑﮧ ﺍﯾﮏ ﺍﻭﺭ ﺑﮭﺎﺋﯽ ﺧﺎﻟﺪ ﺍﺣﻤﺪ ﮐﺎ ﺷﻤﺎﺭ ﺍﭘﻨﯽ ﻧﺴﻞ ﮐﮯ ﻣﻤﺘﺎﺯ ﺷﺎﻋﺮﻭﮞ ﻣﯿﮟ ﮨﻮﺗﺎ ﺗﮭﺎ۔
ﻗﯿﺎﻡ ﭘﺎﮐﺴﺘﺎﻥ ﮐﮯ ﺑﻌﺪ ﮨﺎﺟﺮﮦ ﻣﺴﺮﻭﺭﺍﭘﻨﮯ ﺍﮨﻞ ﺧﺎﻧﮧ ﮐﮯ ﺳﺎﺗﮫ ﭘﺎﮐﺴﺘﺎﻥ ﺁﮔﺌﯿﮟ ﺍﻭﺭﻻﮨﻮﺭﻣﯿﮟ ﺳﮑﻮﻧﺖ ﺍﺧﺘﯿﺎﺭ ﮐﺮﻟﯽ۔
ﺍُﺱ ﺯﻣﺎﻧﮯ ﻣﯿﮟ ﻻﮨﻮﺭﭘﺎﮐﺴﺘﺎﻥ ﮐﯽ ﺍﺩﺑﯽ ﺳﺮﮔﺮﻣﯿﻮﮞ ﮐﺎ ﻣﺮﮐﺰ ﺗﮭﺎ ﺍﻭﺭﺧﻮﺩ ﮨﺎﺟﺮﮦ ﺑﻄﻮﺭﮐﮩﺎﻧﯽ ﻭ ﺍﻓﺴﺎﻧﮧ ﻧﮕﺎﺭﺍﭘﻨﺎ ﻋﮩﺪ ﺷﺮﻭﻉ ﮐﺮﭼﮑﯽ ﺗﮭﯿﮟ ۔ﺍﻥ ﮐﯽ ﮐﮩﺎﻧﯿﻮﮞ ﮐﻮ ﺍﺩﺑﯽ ﺣﻠﻘﻮﮞ ﻣﯿﮟ ﺍﺑﺘﺪﺍ ﺳﮯ ﮨﯽ ﺑﮩﺖ ﭘﺬﯾﺮﺍﺋﯽ ﺣﺎﺻﻞ ﺭﮨﯽ ﺗﮭﯽ۔
ﺍﻧﯿﺲ ﺳﻮ ﺍﮌﺗﺎﻟﯿﺲ ﻣﯿﮟ ﺍﻧﮩﻮﮞ ﻧﮯ ﻣﻌﺮﻭﻑ ﺍﺩﯾﺐ ﺍﺣﻤﺪ ﻧﺪﯾﻢ ﻗﺎﺳﻤﯽ ﮐﮯ ﺳﺎﺗﮫ ﻣﻞ ﮐﺮ ﺍﺩﺑﯽ ﺟﺮﯾﺪﮦ ‘ ﻧﻘﻮﺵ ’ ﺷﺎﺋﻊ ﮐﺮﻧﺎ ﺷﺮﻭﻉ ﮐﯿﺎ۔
ﮨﺎﺟﺮﮦ ﻣﺴﺮﻭﺭﮐﮯ ﺍﻓﺴﺎﻧﻮﮞ ﺍﻭﺭ ﻣﺨﺘﺼﺮ ﮐﮩﺎﻧﯿﻮﮞ ﮐﮯ ﮐﻢ ﺍﺯﮐﻢ ﺳﺎﺕ ﻣﺠﻤﻮﻋﮯ ﺷﺎﺋﻊ ﮨﻮﺋﮯ، ﺍﻥ ﻣﯿﮟ
‘ ﭼﺎﻧﺪ ﮐﮯ ﺩﻭﺳﺮﯼ ﻃﺮﻑ ’ ، ‘ ﺗﯿﺴﺮﯼ ﻣﻨﺰﻝ ’ ، ‘ ﺍﻧﺪﮬﯿﺮﮮ ﺍُﺟﺎﻟﮯ ’ ، ‘ ﭼﻮﺭﯼ ﭼﮭﭙﮯ ’ ، ‘ ﮨﺎﺋﮯ ﺍﻟﻠﮧ ’ ، ‘ ﭼﺮﮐﮯ ’ ﺍﻭﺭ ‘ ﻭﮦ ﻟﻮﮒ ’ ﺷﺎﻣﻞ ﮨﯿﮟ ۔
اﻥ ﮐﮯ ﺍﻓﺴﺎﻧﻮﮞ ﮐﺎ ﻣﺠﻤﻮﻋﮧ ﺍُﻧﯿﺴﻮ ﺍﮐﯿﺎﻧﻮﮮ ﻣﯿﮟ ﻻﮨﻮﺭ ﮐﮯ ﺍﯾﮏ ﻧﺎﺷﺮ ﻧﮯ ‘ ﻣﯿﺮﮮ ﺳﺐ ﺍﻓﺴﺎﻧﮯ ’ ﮐﮯ ﻋﻨﻮﺍﻥ ﺳﮯ ﺷﺎﺋﻊ ﮐﯿﺎ ﺗﮭﺎ۔
ﺍﻓﺴﺎﻧﻮﮞ ﺍﻭﺭ ﻣﺨﺘﺼﺮ ﮐﮩﺎﻧﯿﻮﮞ ﮐﮯ ﻋﻼﻭﮦ ﺍﻧﮩﻮﮞ ﻧﮯ ﮈﺭﺍﻣﮯ ﺑﮭﯽ ﻟﮑﮭﮯ ﺗﮭﮯ۔
ﭼﻨﺪ ﺳﺎﻝ ﻗﺒﻞ ﺁﮐﺴﻔﻮﺭﮈ ﯾﻮﻧﯿﻮﺭﺳﭩﯽ ﭘﺮﯾﺲ ﻧﮯ ﺑﭽﻮﮞ ﮐﮯ ﻟﯿﮯ ﻟﮑﮭﯽ ﮔﺌﯽ ﺍُﻥ ﮐﯽ ﮐﺌﯽ ﮐﮩﺎﻧﯿﺎﮞ ﮐﺘﺎﺑﯽ ﺷﮑﻞ ﻣﯿﮟ ﺷﺎﺋﻊ ﮐﯽ ﺗﮭﯿﮟ۔
ﮨﺎﺟﺮﮦ ﻣﺴﺮﻭﺭ ﮐﻮ ﺍُﻥ ﮐﯽ ﺍﺩﺑﯽ ﺧﺪﻣﺎﺕ ﮐﮯ ﺍﻋﺘﺮﺍﻑ ﻣﯿﮟ ﻣﺘﻌﺪﺩ ﺍﻋﺰﺍﺯﺍﺕ ﺳﮯ ﻧﻮﺍﺯﺍ ﮔﯿﺎ۔ ﺣﮑﻮﻣﺖِ ﭘﺎﮐﺴﺘﺎﻥ ﻧﮯ ﺍﺩﺏ ﮐﮯ ﺷﻌﺒﮯ ﻣﯿﮟ ﺍﻥ ﮐﯽ ﻧﻤﺎﯾﺎﮞ ﺧﺪﻣﺎﺕ ﭘﺮ 1995 ﺀ ﻣﯿﮟ ﺗﻤﻐﮧ ﺣُﺴﻦِ ﮐﺎﺭﮐﺮﺩﮔﯽ ’ ﺩﯾﺎ۔ 2005 ﺀ ﻣﯿﮟ ﺍﻧﮩﯿﮟ ‘ ﻋﺎﻟﻤﯽ ﻓﺮﻭﻍِ ﺍُﺭﺩﻭ ﺍﺩﺏ ﺍﯾﻮﺍﺭﮈ ’ ﺑﮭﯽ ﺩﯾﺎ ﮔﯿﺎ ﺗﮭﺎ۔
ﮨﺎﺟﺮﮦ ﻣﺴﺮﻭﺭ ﻧﮯ ﭘﺎﮐﺴﺘﺎﻧﯽ ﻓﻠﻤﯽ ﺻﻨﻌﺖ ﮐﮯ ﺍﭼﮭﮯ ﺩﻧﻮﮞ ﻣﯿﮟ ﮐﺌﯽ ﻓﻠﻤﻮﮞ ﮐﮯ ﺍﺳﮑﺮﭘﭧ ﺑﮭﯽ ﻟﮑﮭﮯ۔ ﺍﻥ ﮐﮯ ﺍﯾﮏ ﺍﺳﮑﺮﭘﭧ ﭘﺮ ﭘﺎﮐﺴﺘﺎﻧﯽ ﻓﻠﻤﯽ ﺻﻨﻌﺖ ﮐﺎ ﺳﺐ ﺳﮯ ﺑﮍﺍ ﺍﻋﺰﺍﺯ ‘ ﻧﮕﺎﺭ ﺍﯾﻮﺍﺭﮈ ’ ﺑﮭﯽ ﺩﯾﺎ ﮔﯿﺎ۔
ﺍﻧﮩﻮﮞ ﻧﮯ ﺍُﻧﯿﺴﻮ ﭘﯿﻨﺴﭩﮫ ﻣﯿﮟ ﺑﻨﻨﮯ ﻭﺍﻟﯽ ﭘﺎﮐﺴﺘﺎﻧﯽ ﻓﻠﻢ ‘ ﺁﺧﺮﯼ ﺍﺳﭩﯿﺸﻦ ’ ﮐﯽ ﮐﮩﺎﻧﯽ ﺑﮭﯽ ﻟﮑﮭﯽ ﺗﮭﯽ۔ ﯾﮧ ﻓﻠﻢ ﻣﻌﺮﻭﻑ ﺷﺎﻋﺮ ﺳﺮﻭﺭ ﺑﺎﺭﮦ ﺑﻨﮑﻮﯼ ﻧﮯ ﺑﻨﺎﺋﯽ ﺗﮭﯽ۔
ﮨﺎﺟﺮﮦ ﻣﺴﺮﻭﺭ ﮐﯽ ﺷﺎﺩﯼ ﻣﻌﺮﻭﻑ ﺻﺤﺎﻓﯽ ﺍﺣﻤﺪ ﻋﻠﯽ ﺧﺎﻥ ﺳﮯ ﮨﻮﺋﯽ ﺗﮭﯽ ۔ ﺟﻮ ﺭﻭﺯﻧﺎﻣﮧ ﭘﺎﮐﺴﺘﺎﻥ ﭨﺎﺋﻤﺰ ﺍﻭﺭ ﺭﻭﺯﻧﺎﻣﮧ ﮈﺍﻥ ﮐﮯ ﺍﯾﮉﯾﭩﺮ ﺭﮨﮯ ﺗﮭﮯ۔
ﮨﺎﺟﺮﮦ ﻣﺴﺮﻭﺭ ﮐﺎ ﺍﻧﺘﻘﺎﻝ 15 ﺳﺘﻤﺒﺮ 2012 ﺀ ﮐﻮ ﮐﺮﺍﭼﯽ ﻣﯿﮟ ﮨﻮﺍ ﺍﻭﺭ ﻭﮦ ﮈﯾﻔﻨﺲ ﺳﻮﺳﺎﺋﭩﯽ ﮐﮯ ﻗﺒﺮﺳﺘﺎﻥ ﻣﯿﮟ ﺁﺳﻮﺩﮦ ﺧﺎﮎ ﮨﻮﺋﯿﮟ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اردو افسانے کا ایک تابندہ نام
ہاجرہ مسرور
تحریر:
ڈاکٹر اسلم عزیز درانی
ﮨﺎﺟﺮﮦ ﻣﺴﺮﻭﺭ ( ﺍﻭﺭ ﺧﺪﯾﺠﮧ ﻣﺴﺘﻮﺭ ) ﻧﮯ ﮐﻢ ﻋﻤﺮﯼ ﮨﯽ ﻣﯿﮟ ﻟﮑﮭﻨﺎ ﺷﺮﻭﻉ ﮐﺮ ﺩﯾﺎ ﺗﮭﺎ۔
ﺑﻘﻮﻝ ﻣﺴﻌﻮﺩ ﺭﺿﺎ ﺧﺎﮐﯽ
’’ ﺍُﻥ ﮐﯽ ﺳﺐ ﺳﮯ ﭘﮩﻠﯽ ﺗﺨﻠﯿﻖ ’’ ﻻﻭﺍﺭﺙ ﻻﺵ ‘ ‘ ﺗﮭﯽ، ﺟﻮ ۱۹۴۱ﺀ ﻣﯿﮟ ﺑﭽﻮﮞ ﮐﮯ ﺍﯾﮏ ﺭﺳﺎﻟﮧ ﻣﯿﮟ ﺷﺎﺋﻊ ﮨﻮﺋﯽ ﺗﮭﯽ۔ ﺍﺱ ﻭﻗﺖ ﺍﻥ ﮐﯽ ﻋﻤﺮ ﺻﺮﻑ ﺗﯿﺮﮦ ﯾﺎ ﭼﻮﺩﮦ ﺑﺮﺱ ﮐﯽ ﺗﮭﯽ۔ ﺍﺱ ﮐﮩﺎﻧﯽ ﭘﺮ ﺟﻮ ﺣﻮﺻﻠﮧ ﺍﻓﺰﺍﺋﯽ ﮨﻮﺋﯽ ﺍﺱ ﻧﮯ ﺍﻧﮭﯿﮟ ﭘﻮﺭﮮ ﺍﻧﮩﻤﺎﮎ ﺳﮯ ﺍﻓﺴﺎﻧﮧ ﻧﮕﺎﺭﯼ ﮐﯽ ﺟﺎﻧﺐ ﻣﺎﺋﻞ ﮐﺮ ﺩﯾﺎ ‘‘ ۔۔۔۔۔۔
ﺳﻮﻟﮧ ﺳﺎﻝ ﮐﯽ ﻋﻤﺮ ﻣﯿﮟ ﺍﻥ ﮐﺎ ﭘﮩﻼ ﺍﻓﺴﺎﻧﮧ ﺷﺎﺋﻊ ﮨﻮﺍ۔
ﺍﯾﮏ ﮨﯽ ﺳﺎﻝ ﺑﻌﺪ ﺍُﻥ ﮐﮯ ﺍﻓﺴﺎﻧﻮﮞ ﮐﯽ ﻣﻘﺒﻮﻟﯿﺖ ﺳﮯ ﻣﺘﺎﺛﺮ ﮨﻮ ﮐﺮ ﺑﻤﺒﺌﯽ ﮐﮯ ﺍﯾﮏ ﻧﺎﺷﺮ ﻧﮯ ﺍﻧﮭﯿﮟ ﯾﮧ ﭘﯿﺶ ﮐﺶ ﮐﯽ ﮐﮧ ﺍﮔﺮ ﻭﮦ ﻣﮩﯿﻨﮯ ﻣﯿﮟ ﭼﺎﺭ ﺍﻓﺴﺎﻧﮯ ﺍﺱ ﮐﮯ ﮨﻔﺖ ﺭﻭﺯﮦ ﺍﺧﺒﺎﺭ ﮐﮯ ﻟﯿﮯ، ﺍﯾﮏ ﺍﻓﺴﺎﻧﮧ ﻣﺎﮨﻨﺎﻣﮧ ﮐﮯ ﻟﯿﮯ ﻟﮑﮭﺎ ﮐﺮﯾﮟ ﺗﻮ ﺍﻧﮭﯿﮟ ﭘﻨﺪﺭﮦ ﺭﻭﭘﮯ ﻣﺎﮨﻮﺍﺭ ﭘﯿﺶ ﮐﯿﮯ ﺟﺎﺋﯿﮟ ﮔﮯ۔
ﻗﯿﺎﻡ ﭘﺎﮐﺴﺘﺎﻥ ﮐﮯ ﺑﻌﺪ ﺍﮨﻞ ﺧﺎﻧﺪﺍﻥ ﮐﮯ ﮨﻤﺮﺍﮦ ﻻﮨﻮﺭ ﺁ ﮔﺌﯿﮟ ۔۔۔۔۔۔
ﻧﺎﻣﻮﺭ ﺷﺎﻋﺮ ﺍﻭﺭ ﺍﻓﺴﺎﻧﮧ ﻧﮕﺎﺭ ﺍﺣﻤﺪ ﻧﺪﯾﻢ ﻗﺎﺳﻤﯽ ﮐﯽ ﻭﮦ ﻣﻨﮧ ﺑﻮﻟﯽ ﺑﮩﻦ ﺗﮭﯿﮟ۔ ﭼﻨﺎﻧﭽﮧ ﺍﻧﮭﻮﮞ ﻧﮯ ﺍﺣﻤﺪ ﻧﺪﯾﻢ ﻗﺎﺳﻤﯽ ﮐﮯ ﺳﺎﺗﮫ ﻣﻞ ﮐﺮ ’’ ﻧﻘﻮﺵ ‘‘ ﻻﮨﻮﺭ ﮐﯽ ﺍﺩﺍﺭﺕ ﺳﻨﺒﮭﺎﻟﯽ ﺍﻭﺭ ’’ ﻧﻘﻮﺵ ‘‘ ﮐﮯ ﭘﮩﻠﮯ ﺩﺱ ﺷﻤﺎﺭﮮ ﻣﺮﺗﺐ ﮐﯿﮯ۔ ﮔﻮﯾﺎ ’’ ﻧﻘﻮﺵ ‘‘ ﮐﯽ ﺑﻨﯿﺎﺩ ﻗﺎﺳﻤﯽ ﺻﺎﺣﺐ ﺍﻭﺭ ﮨﺎﺟﺮﮦ ﻣﺴﺮﻭﺭ ﻧﮯ ﺭﮐﮭﯽ۔ ﻧﻘﻮﺵ ﮐﯽ ﺍﺩﺍﺭﺕ ﺳﮯ ﺍﻟﮓ ﮨﻮﻧﮯ ﮐﮯ ﺑﻌﺪ ﺍﺣﻤﺪ ﻧﺪﯾﻢ ﻗﺎﺳﻤﯽ ﻧﮯ ﺍﻟﻄﺎﻑ ﭘﺮﻭﺍﺯ ﮐﮯ ﭘﺮﭼﮯ ’’ ﺳﺤﺮ ‘‘ ﮐﯽ ﺍﺩﺍﺭﺕ ﺳﻨﺒﮭﺎﻟﯽ۔ ﺍﺱ ﮐﯽ ﻣﺠﻠﺲِ ﺍﺩﺍﺭﺕ ﻣﯿﮟ ﻓﯿﺾ ، ﻣﻤﺘﺎﺯ ﺣﺴﯿﻦ ﺍﻭﺭ ﺣﻤﯿﺪ ﺍﺧﺘﺮ ﮐﮯ ﻋﻼﻭﮦ ﮨﺎﺟﺮﮦ ﻣﺴﺮﻭﺭ ﺑﮭﯽ ﺷﺎﻣﻞ ﺗﮭﯿﮟ۔
ﺩﻭﻧﻮﮞ ﺑﮩﻨﯿﮟ ( ﺧﺪﯾﺠﮧ ﻣﺴﺘﻮﺭ ﺍﻭﺭ ﮨﺎﺟﺮﮦ ﻣﺴﺮﻭﺭ ) ﻻﮨﻮﺭ ﻣﯿﮟ ﺍﻧﺠﻤﻦ ﺗﺮﻗﯽ ﭘﺴﻨﺪ ﻣﺼﻨﻔﯿﻦ ﮐﮯ ﮨﻔﺖ ﺭﻭﺯﮦ ﺍﺟﻼﺳﻮﮞ ﻣﯿﮟ ﺑﺎﻗﺎﻋﺪﮔﯽ ﺳﮯ ﺷﺮﯾﮏ ﮨﻮﺗﯽ ﺗﮭﯿﮟ۔ ﺣﻠﻘۂ ﺍﺭﺑﺎﺏ ﺫﻭﻕ ﮐﮯ ﺍﺟﻼﺳﻮﮞ ﻣﯿﮟ ﺑﮭﯽ ﺍﻧﮭﻮﮞ ﻧﮯ ﺷﺮﮐﺖ ﮐﯽ۔
ﮨﺎﺟﺮﮦ ﻣﺴﺮﻭﺭ ﮐﯽ ﺷﺎﺩﯼ ’’ ﭘﺎﮐﺴﺘﺎﻥ ﭨﺎﺋﻤﺰ ‘‘ ﮐﮯ ﺍﯾﮉﯾﭩﺮ ﺍﺣﻤﺪ ﻋﻠﯽ ﺧﺎﻥ ﺳﮯ ﮨﻮﺋﯽ۔ ﻭﮦ ﺍﯾﮏ ﺷﺮﯾﻒ ﺍﻟﻨﻔﺲ ﺍﻧﺴﺎﻥ ﺗﮭﮯ۔ ﺩﻭﻧﻮﮞ ﻧﮯ ﺑﮍﯼ ﺧﻮﺷﮕﻮﺍﺭ ﺯﻧﺪﮔﯽ ﮔﺰﺍﺭﯼ۔ ﺍﺣﻤﺪ ﻋﻠﯽ ﺧﺎﻥ ﮐﮯ ﺍﻧﺘﻘﺎﻝ ﺍﻭﺭ ﺑﮍﯼ ﺑﮩﻦ ﺧﺪﯾﺠﮧ ﻣﺴﺘﻮﺭ ﮐﯽ ﻭﻓﺎﺕ ﮐﮯ ﺑﻌﺪ ﮨﺎﺟﺮﮦ ﻣﺴﺮﻭﺭ ﮐﯽ ﺯﻧﺪﮔﯽ ﺑﮯ ﮐﯿﻒ ﺳﯽ ﮨﻮ ﮔﺌﯽ ﺗﮭﯽ۔ ﯾﮧ ﺻﺪﻣﺎﺕ ﺍﻥ ﮐﮯ ﻟﯿﮯ ﺟﺎﻧﮑﺎﮦ ﺗﮭﮯ۔ ﺑﮩﺖ ﻋﺮﺻﮧ ﺳﮯ ﺍﻧﮭﻮﮞ ﻧﮯ ﻗﻠﻢ ﺳﮯ ﻧﺎﻃﮧ ﺗﻮﮌ ﺭﮐﮭﺎ ﺗﮭﺎ ﺍﻭﺭ ﺍﺩﺑﯽ ﺗﻘﺮﯾﺒﺎﺕ ﺳﮯ ﺍﻟﮓ ﮨﻮ ﮔﺌﯽ ﺗﮭﯿﮟ۔
۲۰۰۵ﺀ ﻣﯿﮟ ﺍﻧﮭﯿﮟ ’’ ﻓﺮﻭﻍ ﺍﺭﺩﻭ ﺍﺩﺏ ﺍﯾﻮﺍﺭﮈ ‘‘ ﺑﮭﯽ ﺩﯾﺎ ﮔﯿﺎ۔
ﮨﺎﺋﮯ ﺍﻟﻠﮧ، ﭼﮭﭙﮯ ﭼﻮﺭﯼ، ﺍﻧﺪﮬﯿﺮﮮ ﺍﺟﺎﻟﮯ، ﺗﯿﺴﺮﯼ ﻣﻨﺰﻝ، ﭼﺎﻧﺪ ﮐﮯ ﺩﻭﺳﺮﯼ ﻃﺮﻑ، ﻭﮦ ﻟﻮﮒ ﺍﻭﺭ ﭼﺮﮐﮯ ﺍﻥ ﮐﮯ ﺍﻓﺴﺎﻧﻮﯼ ﻣﺠﻤﻮﻋﻮﮞ ﮐﮯ ﻧﺎﻡ ﮨﯿﮟ۔
’’ ﺳﺐ ﺍﻓﺴﺎﻧﮯ ﻣﯿﺮﮮ ‘‘ ﮐﮯ ﻋﻨﻮﺍﻥ ﺳﮯ ﻣﺮﺗﺒﮧ ﮐﺘﺎﺏ ﻣﯿﮟ ﺍﻥ ﮐﮯ ﺗﻤﺎﻡ ﺍﻓﺴﺎﻧﮯ ﯾﮑﺠﺎ ﮐﺮ ﺩﯾﮯ ﮔﺌﮯ ﮨﯿﮟ۔ ﮨﺎﺟﺮﮦ ﻧﮯ ﺍﯾﮏ ﻓﻠﻢ ﮐﺎ ﺍﺳﮑﺮﭘﭧ ﺑﮭﯽ ﻟﮑﮭﺎ ﺍﻭﺭ ﺭﯾﮉﯾﻮ ﮐﮯ ﻟﯿﮯ ﺑﮩﺖ ﺳﮯ ﮈﺭﺍﻣﮯ ﻟﮑﮭﮯ۔ ﭨﯿﻠﯽ ﻭﯾﮋﻥ ﮐﮯ ﻟﯿﮯ ﺑﮭﯽ ﺍﯾﮏ ﮈﺭﺍﻣﺎ ﺗﺤﺮﯾﺮ ﮐﯿﺎ۔
ﺍﺭﺩﻭ ﺍﻓﺴﺎﻧﮧ ﮐﯽ ﺩﻧﯿﺎ ﻣﯿﮟ ﮨﺎﺟﺮﮦ ﻣﺴﺮﻭﺭ ﮐﺎ ﻧﺎﻡ ﺑﮍﯼ ﺍﮨﻤﯿﺖ ﮐﺎ ﺣﺎﻣﻞ ﮨﮯ۔
’’ ﺍﺭﺩﻭ ﺍﻓﺴﺎﻧﮧ ﺍﯾﮏ ﺻﺪﯼ ﮐﺎ ﻗﺼﮧ ‘‘ ﻣﯿﮟ ﮈﺍﮐﭩﺮ ﺍﻧﻮﺍﺭ ﺍﺣﻤﺪ ﻧﮯ ﮨﺎﺟﺮﮦ ﻣﺴﺮﻭﺭ ﮐﮯ ﻓﻦ ﮐﺎ ﺗﺠﺰﯾﮧ ﺟﺲ ﻣﻀﻤﻮﻥ ﻣﯿﮟ ﮐﯿﺎ ﮨﮯ ﺍﺳﮯ ’’ ﮨﺎﺟﺮﮦ ﻣﺴﺮﻭﺭ، ﺗﺎﺭﯾﺦِ ﺍﻓﺴﺎﻧﮧ ﮐﺎ ﺍﯾﮏ ﺑﮍﺍ ﺣﻮﺍﻟﮧ ‘‘ ﮐﺎ ﻋﻨﻮﺍﻥ ﺩﯾﺎ ﮨﮯ۔
ﮈﺍﮐﭩﺮ ﺍﻧﻮﺍﺭ ﺍﺣﻤﺪ ﻟﮑﮭﺘﮯ ﮨﯿﮟ
’’ ﮨﺎﺟﺮﮦ ﮐﮯ ﺍﺑﺘﺪﺍﺋﯽ ﺍﻓﺴﺎﻧﻮﮞ ﻣﯿﮟ ﺟﺬﺑﺎﺗﯿﺖ ، ﮐﮍﻭﺍﮨﭧ ﺍﻭﺭ ﺟﮭﻨﺠﮭﻼﮨﭧ ﮐﺎ ﻏﻠﮧ ﮨﮯ۔ ﺗﺎﮨﻢ ﺻﺎﻑ ﻣﺤﺴﻮﺱ ﮨﻮﺗﺎ ﮨﮯ ﮐﮧ ﯾﮧ ﺍﯾﮏ ﺍﭼﮭﯽ ﺍﻓﺴﺎﻧﮧ ﻧﮕﺎﺭ ﮐﯽ ﺍﭨﮭﺎﻥ ﮨﮯ ‘‘ ۔
ﺁﮔﮯ ﭼﻞ ﮐﺮ ﻟﮑﮭﺘﮯ ﮨﯿﮟ
’’ ﻗﯿﺎﻡ ﭘﺎﮐﺴﺘﺎﻥ ﮐﮯ ﺑﻌﺪ ﺭﻓﺘﮧ ﺭﻓﺘﮧ ﮨﺎﺟﺮﮦ ﮐﮯ ﻓﻦ ﻣﯿﮟ ﭨﮭﮩﺮﺍﺅ ﭘﯿﺪﺍ ﮨﻮﺍ۔ ﻋﺎﻡ ﻃﻮﺭ ﭘﺮ ﺍﻧﮭﻮﮞ ﻧﮯ ﺗﻮﺍﺯﻥ ﺍﻭﺭ ﺗﺤﻤﻞ ﺳﮯ ﮐﮩﺎﻧﯿﺎﮞ ﻟﮑﮭﯿﮟ ‘‘ ۔
ﺍﻣﺠﺪ ﺍﺳﻼﻡ ﺍﻣﺠﺪ ﺍﻥ ﮐﮯ ﺑﺎﺭﮮ ﻣﯿﮟ ﻟﮑﮭﺘﮯ ﮨﯿﮟ
’’ ﮨﺎﺟﺮﮦ ﻣﺴﺮﻭﺭ ﺳﮯ ﮐﭽﮫ ﮨﯽ ﭘﮩﻠﮯ ﺍﺭﺩﻭ ﺍﺩﺏ ﻣﯿﮟ ﻋﺼﻤﺖ ﭼﻐﺘﺎﺋﯽ ، ﻗﺮۃ ﺍﻟﻌﯿﻦ ﺣﯿﺪﺭ ﺍﻭﺭ ﺧﺪﯾﺠﮧ ﻣﺴﺘﻮﺭ ﮐﺎ ﻇﮩﻮﺭ ﮨﻮﺍ ﺍﻭﺭ ﺍﻥ ﺳﮯ ﮐﭽﮫ ﮨﯽ ﻋﺮﺻﮧ ﺑﻌﺪ ﺑﺎﻧﻮ ﻗﺪﺳﯿﮧ، ﺟﯿﻼﻧﯽ ﺑﺎﻧﻮ، ﺧﺎﻟﺪﮦ ﺣﺴﯿﻦ ﺍﻭﺭ ﻭﺍﺟﺪﮦ ﺗﺒﺴﻢ ﻭﻏﯿﺮﮦ ﻧﮯ ﻟﮑﮭﻨﺎ ﺷﺮﻭﻉ ﮐﯿﺎ ﻟﯿﮑﻦ ﮨﺎﺟﺮﮦ ﻣﺴﺮﻭﺭ ﮐﯽ ﺗﺤﺮﯾﺮﯾﮟ ﺍﯾﮏ ﺍﯾﺴﯽ ﺍﻧﻔﺮﺍﺩﯾﺖ ، ﮔﮩﺮﺍﺋﯽ، ﻣﻌﻨﻮﯾﺖ ﺍﻭﺭ ﺩﻟﭽﺴﭙﯽ ﮐﯽ ﺣﺎﻣﻞ ﮨﯿﮟ ﮐﮧ ﻭﮦ ﺍﺱ ﮐﮩﮑﺸﺎﮞ ﻣﯿﮟ ﺑﮭﯽ ﺳﺐ ﺳﮯ ﺍﻟﮓ ﺍﻭﺭ ﻣﻨﻮﺭ ﺩﮐﮭﺎﺋﯽ ﺩﯾﺘﯽ ﮨﯿﮟ ‘‘ ۔
ﮨﺎﺟﺮﮦ ﻣﺴﺮﻭﺭ ﮐﯽ ﺗﺨﻠﯿﻘﺎﺕ ﻣﯿﮟ ﺩﺭﺩ ﮐﯽ ﺍﯾﮏ ﻟﮩﺮ ﻣﺤﺴﻮﺱ ﮨﻮﺗﯽ ﮨﮯ۔ ﻭﮦ ﺍﭘﻨﮯ ﻣﺎﺣﻮﻝ ﺳﮯ ﻣﻮﺍﺩ ﺍﻭﺭ ﻣﻮﺿﻮﻉ ﻣﻨﺘﺨﺐ ﮐﺮﺗﯽ ﮨﯿﮟ ﺍﻭﺭ ﺍﭘﻨﮯ ﮐﺮﺩﺍﺭﻭﮞ ﮐﮯ ﻣﯿﻼﻧﺎﺕ ﻭ ﺭﺟﺤﺎﻧﺎﺕ ﮐﯽ ﺧﻮﺑﯿﻮﮞ ﺍﻭﺭ ﺧﺎﻣﯿﻮﮞ ﮐﯽ ﻋﮑﺎﺳﯽ ﺑﮍﯼ ﮨﻨﺮﻣﻨﺪﯼ ﺳﮯ ﮐﺮﺗﯽ ﮨﯿﮟ۔ ﮔﮭﺮﯾﻠﻮ ﻋﻮﺭﺗﻮﮞ ﺍﻭﺭ ﮔﮭﺮﯾﻠﻮ ﻣﺴﺎﺋﻞ ﮐﮯ ﺑﺎﺭﮮ ﻣﯿﮟ ﺍﻥ ﮐﺎ ﻣﺸﺎﮨﺪﮦ ﻭﺳﯿﻊ ﺍﻭﺭ ﮔﮩﺮﺍ ﮨﮯ۔ ﭼﻨﺎﻧﭽﮧ ﻭﮦ ﺧﻮﺍﺗﯿﻦ ﮐﮯ ﻧﻔﺴﯿﺎﺗﯽ ﺍﻭﺭ ﺟﺬﺑﺎﺗﯽ ﻣﺴﺎﺋﻞ ﮐﺎ ﺗﺠﺰﯾﮧ ﺑﮍﯼ ﻣﺸﺎﻗﯽ ﺳﮯ ﮐﺮﺗﯽ ﮨﯿﮟ۔ ﺟﻦ ﺳﮯ ﻇﺎﮨﺮ ﮨﻮﺗﺎ ﮨﮯ ﺍﻥ ﻣﺴﺎﺋﻞ ﮐﯽ ﺗﺮﺟﻤﺎﻧﯽ ﺍﻭﺭ ﻋﮑﺎﺳﯽ ﭘﺮ ﺍﻧﮭﯿﮟ ﺑﮭﺮﭘﻮﺭ ﮔﺮﻓﺖ ﺣﺎﺻﻞ ﮨﮯ۔
ﺍﻥ ﮐﮯ ﺍﻓﺴﺎﻧﻮﮞ ﮐﮯ ﻣﻮﺿﻮﻉ ﺍﮔﺮﭼﮧ ﻋﺎﻡ ﺯﻧﺪﮔﯽ ﺳﮯ ﺣﺎﺻﻞ ﮐﺮﺩﮦ ﮨﯿﮟ ﻟﯿﮑﻦ ﻓﻦ ﻣﯿﮟ ﮐﮩﯿﮟ ﺑﮭﯽ ﻋﻤﻮﻣﯿﺖ ﻧﮩﯿﮟ ﮨﮯ۔ ﺣﯿﺎﺕِ ﺍﻧﺴﺎﻧﯽ ﮐﮯ ﺗﺎﺭﯾﮏ ﮔﻮﺷﻮﮞ ﺍﻭﺭ ﻣﻌﻤﻮﻟﯽ ﺍﻭﺭ ﭼﮭﻮﭨﮯ ﭼﮭﻮﭨﮯ ﺣﻘﺎﺋﻖ ﮐﻮ ﻓﻨﯽ ﺳﻠﯿﻘﮯ ﺳﮯ ﺍﮨﻢ ﺍﻭﺭ ﺟﺎﺫﺏ ﻧﻈﺮ ﺑﻨﺎ ﺩﯾﺘﯽ ﮨﯿﮟ۔ ﺍﺳﻠﻮﺏ ﻣﯿﮟ ﺩﺭﺩ ﻣﻨﺪﯼ ﮐﺎ ﺟﺬﺑﮧ ﺍﻥ ﮐﯽ ﺗﺤﺮﯾﺮ ﮐﻮ ﺍﺛﺮ ﭘﺬﯾﺮﯼ ﺑﺨﺸﺘﺎ ﮨﮯ۔ ﭼﻨﺎﻧﭽﮧ ﻏﯿﺮ ﺍﮨﻢ ﺍﻭﺭ ﻣﻌﻤﻮﻟﯽ ﻣﻮﺿﻮﻋﺎﺕ ﺑﮭﯽ ﺍﮨﻢ ﺍﻭﺭ ﻣﻮﺛﺮ ﺑﻦ ﺟﺎﺗﮯ ﮨﯿﮟ۔ ﺍﻥ ﮐﮯ ﺑﻌﺾ ﺍﻓﺴﺎﻧﻮﮞ ﻣﯿﮟ ﻭﺍﺿﺢ ﻣﻘﺼﺪﯾﺖ ﺑﮭﯽ ﻧﻈﺮ ﺁﺗﯽ ﮨﮯ۔ ﺍﻥ ﮐﺎ ﺳﺒﺐ ﯾﮧ ﮨﮯ ﮐﮧ ﻭﮦ ﺍﺩﺏ ﻣﯿﮟ ﺍﻓﺎﺩﯾﺖ ﮐﯽ ﻗﺎﺋﻞ ﺗﮭﯿﮟ۔
ﮈﺍﮐﭩﺮ ﻣﺮﺯﺍ ﺣﺎﻣﺪ ﺑﯿﮓ ﻟﮑﮭﺘﮯ ﮨﯿﮟ
’’ ﺗﮑﻨﯿﮑﯽ ﺍﻋﺘﺒﺎﺭ ﺳﮯ ﺍﻥ ﭼﺎﺭﻭﮞ ﺍﻓﺴﺎﻧﮧ ﻧﮕﺎﺭﻭﮞ ( ﺭﺣﻤﺎﻥ ﺣﺪﺗﺐ، ﮨﺎﺟﺮﮦ ﻣﺴﺮﻭﺭ، ﻭﺍﺟﺪﮦ ﺗﺒﺴﻢ ﺍﻭﺭ ﺧﺪﯾﺠﮧ ﻣﺴﺘﻮﺭ ) ﮐﺎ ﺍﺑﺘﺪﺍﺋﯿﮧ ﻋﺼﻤﺖ ﭼﻐﺘﺎﺋﯽ ﮐﯽ ﻃﺮﺡ ﺟﺰﺋﯿﺎﺕ ﻧﮕﺎﺭﯼ ﮐﮯ ﺳﺒﺐ ﺧﺎﻣﻮﺷﯽ ﮐﮯ ﺳﺎﺗﮫ ﺭﻓﺘﮧ ﺭﻓﺘﮧ ﭘﮭﯿﻠﺘﺎ ﮨﮯ ﺍﻭﺭ ﺁﺧﺮ ﻣﯿﮟ ﻣﻨﭩﻮ ﮐﮯ ﺍﻓﺴﺎﻧﻮﮞ ﮐﯽ ﻃﺮﺡ ﯾﮑﻠﺨﺖ ﺳﮑﭩﺮﮐﺮ ﯾﺎ ﻧﺌﯽ ﺗﺮﺑﯿﺘﯽ ﮨﯿﺌﺖ ﺍﺧﺘﯿﺎﺭ ﮐﺮ ﮐﮯ ﭼﻮﻧﮑﺎ ﺩﯾﺘﺎﮨﮯ۔ ﯾﮧ ﻭﮦ ﻣﻘﺎﻡ ﮨﮯ ﺟﮩﺎﮞ ﮨﺎﺟﺮﮦ ﺍﻭﺭ ﺧﺪﯾﺠﮧ ﮐﮯ ﺍﻓﺴﺎﻧﻮﮞ ﮐﯽ ﻣﻘﺼﺪﯾﺖ ﺍﺣﺘﺠﺎﺝ ﺳﮯ ﺑﻐﺎﻭﺕ ﺗﮏ ﺁ ﺟﺎﺗﯽ ﮨﮯ ‘‘ ۔
ﮈﺍﮐﭩﺮ ﺍﻧﻮﺍﺭ ﺍﺣﻤﺪ ﻟﮑﮭﺘﮯ ﮨﯿﮟ
’’ ﺑﮩﺮﺣﺎﻝ ﮨﺎﺟﺮﮦ ﻣﺴﺮﻭﺭ ﮐﮯ ﺍﻓﺴﺎﻧﻮﮞ ﻣﯿﮟ ﻋﻮﺭﺕ ﮐﯽ ﻣﻈﻠﻮﻣﯿﺖ ﮐﺎ ﺍﺱ ﻃﻮﺭ ﺫﮐﺮ ﮨﻮﺗﺎ ﮨﮯ ﮐﮧ ﺑﮯ ﺍﺧﺘﯿﺎﺭ ﺍﻓﺴﺎﻧﮧ ﻧﮕﺎﺭ ﮐﯽ ﺻﻨﻒ ﮐﺎ ﺍﺣﺴﺎﺱ ﻧﻤﺎﯾﺎﮞ ﮨﻮ ﺟﺎﺗﺎ ﮨﮯ۔ ﺍﺱ ﻣﯿﮟ ﮐﭽﮫ ﺷﮏ ﻧﮩﯿﮟ ﮐﮧ ﻣﺮﺩﺍﻧﮧ ﺳﻤﺎﺝ ﻣﯿﮟ ﻋﻮﺭﺕ ﮐﮯ ﺑﺎﺭﮮ ﻣﯿﮟ ﺍﺑﮭﯽ ﺗﮏ ﺑﮩﺖ ﺳﯽ ﺯﻧﺠﯿﺮﯾﮟ ﺯﻧﮓ ﺁﻟﻮﺩ ﻧﮩﯿﮟ ﮨﻮﺋﯿﮟ ﻟﯿﮑﻦ ﺁﺝ ﺳﻤﺎﺟﯽ ﺍﻭﺭ ﺟﺬﺑﺎﺗﯽ ﺗﻌﻠﻘﺎﺕ ﭘﯿﭻ ﺩﺭ ﭘﯿﭻ ﺍﻭﺭ ﺗﮩﮧ ﺩﺭ ﺗﮩﮧ ﺍﺩﺭﺍﮎ ﭘﺮ ﻣﻨﮑﺸﻒ ﮨﻮﺗﮯ ﺟﺎﺗﮯ ﮨﯿﮟ۔ ﺍﻥ ﮐﮯ ﭘﯿﺶِ ﻧﻈﺮ ﻋﻮﺭﺕ ﮐﯽ ﻣﻈﻠﻮﻣﯿﺖ ﮐﺎ ﮨﯽ ﺗﮭﯿﺴﺲ ﭘﯿﺶ ﮐﯿﮯ ﺟﺎﻧﺎ ﺗﻌﺼﺐ ﺳﮯ ﺧﺎﻟﯽ ﻧﮩﯿﮟ ‘‘ ۔
ﮨﺎﺟﺮﮦ ﻣﺴﺮﻭﺭ ﮐﮯ ﻓﮑﺮﻭﻓﻦ ﻧﮯ ﺑﮩﺖ ﮐﻢ ﻋﺮﺻﮯ ﻣﯿﮟ ﺩﺭﺟﮧ ﺑﺪﺭﺟﮧ ﺍﺭﺗﻘﺎﺋﯽ ﻣﻨﺎﺯﻝ ﻃﮯ ﮐﯽ ﮨﯿﮟ۔ ﺍﺑﺘﺪﺍﺋﯽ ﺍﻓﺴﺎﻧﻮﮞ ﻣﯿﮟ ﭼﻮﻧﮑﮧ ﺯﻧﺪﮔﯽ ﮐﺎ ﺗﺠﺮﺑﮧ ﮐﻢ ﮨﮯ ۔ ﺍﺱ ﻟﯿﮯ ﻧﺴﺒﺘﺎً ﮨﻠﮑﺎ ﭘﮭﻠﮑﺎ ﺍﻧﺪﺍﺯ ﮨﮯ ﻟﯿﮑﻦ ﺍﻥ ﮐﮩﺎﻧﯿﻮﮞ ﻣﯿﮟ ﻋﻮﺭﺕ ﮐﯽ ﺑﮯ ﻧﻮﺍﺋﯽ ﺍﻭﺭ ﺑﮯ ﺑﺴﯽ ﻧﻤﺎﯾﺎﮞ ﮨﮯ۔
ﺟﺐ ﺷﻌﻮﺭ ﺍﻭﺭ ﺗﺠﺮﺑﮯ ﻣﯿﮟ ﭘﺨﺘﮕﯽ ﺍﻭﺭ ﮔﮩﺮﺍﺋﯽ ﺁﺋﯽ ﺗﻮ ﺍﺱ ﮐﯽ ﺟﮭﻠﮏ ﺍﻥ ﮐﮯ ﺍﻓﺴﺎﻧﻮﮞ ﻣﯿﮟ ﻧﻈﺮ ﺁﻧﮯ ﻟﮕﯽ۔ ﺁﭖ ﻋﺼﻤﺖ ﭼﻐﺘﺎﺋﯽ ﺳﮯ ﻣﺘﺎﺛﺮ ﻧﻈﺮ ﺁﺗﯽ ﮨﯿﮟ ﻣﮕﺮ ﺍﭘﻨﯽ ﺍﻧﻔﺮﺍﺩﯾﺖ ﮐﻮ ﺑﺮﻗﺮﺍﺭ ﺭﮐﮭﺘﯽ ﮨﯿﮟ۔ ﻋﺼﻤﺖ ﮐﯽ ﻃﺮﺡ ﻧﻮﺟﻮﺍﻥ ﻟﮍﮐﯿﻮﮞ ﮐﮯ ﺟﻨﺴﯽ ﻣﺴﺎﺋﻞ ﮐﮯ ﺍﻇﮩﺎﺭ ﻣﯿﮟ ﺑﮯ ﺑﺎﮐﯽ ﺳﮯ ﮐﺎﻡ ﻧﮩﯿﮟ ﻟﯿﺘﯿﮟ ﺑﻠﮑﮧ ﺍﺷﺎﺭﻭﮞ ﮐﻨﺎﯾﻮﮞ ﺳﮯ ﺗﺮﺟﻤﺎﻧﯽ ﮐﺮﺗﯽ ﮨﯿﮟ۔
ﮈﺍﮐﭩﺮ ﺻﺎﺩﻕ ﻟﮑﮭﺘﮯ ﮨﯿﮟ
’’ ﺍﻥ ﮐﮯ ﺍﻓﺴﺎﻧﻮﮞ ﻣﯿﮟ ﻣﺘﻮﺳﻂ ﺍﻭﺭ ﺍﺩﻧﯽٰ ﻃﺒﻘﻮﮞ ﮐﮯ ﻣﺴﻠﻤﺎﻧﻮﮞ ﮐﯽ ﺟﻨﺴﯽ ﺍﻭﺭ ﻣﻌﺎﺷﺮﺗﯽ ﺯﻧﺪﮔﯽ ﮐﻮ ﺯﺑﺎﻥ ﻣﻠﯽ ﮨﮯ۔ ﮨﺎﺟﺮﮦ ﮐﮯ ﺍﻓﺴﺎﻧﻮﮞ ﻣﯿﮟ ﮔﮩﺮﺍﺋﯽ ﺍﻭﺭ ﻭﺳﻌﺖ ﮨﮯ۔ ﺍﻧﺴﺎﻧﯽ ﺯﻧﺪﮔﯽ ﻣﯿﮟ ﺟﻨﺲ ﮐﯽ ﺍﮨﻤﯿﺖ ﺍﺱ ﮐﯽ ﭘﯿﭽﯿﺪﮔﯿﺎﮞ، ﺍﻟﺠﮭﻨﯿﮟ ﺍﻭﺭ ﺍ ﺱ ﮐﮯ ﻧﺎﺯﮎ ﺭﺷﺘﻮﮞ ﮐﻮ ﻭﮦ ﺧﻮﺏ ﺳﻤﺠﮭﺘﯽ ﮨﯿﮟ۔ ﺍﺳﯽ ﻟﯿﮯ ﺍﻥ ﮐﮯ ﺍﻓﺴﺎﻧﻮﮞ ﻣﯿﮟ ﺟﻨﺲ ﮐﺒﮭﯽ ﺳﻄﺤﯽ ﺍﻧﺪﺍﺯ ﺍﺧﺘﯿﺎﺭ ﻧﮩﯿﮟ ﮐﺮﺗﯽ ‘‘ ۔
ﺍﺱ ﺳﻠﺴﻠﮯ ﻣﯿﮟ ﭘﻄﺮﺱ ﺑﺨﺎﺭﯼ ﺭﻗﻤﻄﺮﺍﺯ ﮨﯿﮟ
’’ ﮨﺎﺟﺮﮦ ﮐﮯ ﮐﺮﺩﺍﺭﻭﮞ ﮐﺎ ﺟﻨﺴﯽ ﺷﻌﻮﺭ ﺟﺴﻤﺎﻧﯽ ﻣﻈﺎﮨﺮ ﺳﮯ ﺑﮩﺖ ﺁﮔﮯ ﻧﮑﻞ ﺟﺎﺗﺎ ﮨﮯ ﺍﻭﺭ ﮨﺎﺟﺮﮦ ﮐﮯ ﺍﺣﺴﺎﺱ ﻣﯿﮟ ﮐﺌﯽ ﻧﺰﺍﮐﺘﯿﮟ ﺍﻭﺭ ﭘﯿﭽﯿﺪﮔﯿﺎﮞ ﮨﯿﮟ ﺟﻦ ﮐﯽ ﻭﺟﮧ ﺳﮯ ﺍﻥ ﮐﯽ ﺟﻨﺴﯽ ﺍﻓﺴﺎﻧﮯ ﺍﻭﺭﻭﮞ ﺳﮯ ﺯﯾﺎﺩﮦ ﺩﻗﯿﻖ ﺍﻭﺭ ﻋﻤﯿﻖ ﻣﻌﻠﻮﻡ ﮨﻮﺗﮯ ﮨﯿﮟ۔ ﺍﻥ ﮐﮯ ﺟﻨﺴﯽ ﺗﻌﻠﻘﺎﺕ ﻣﯿﮟ ﺗﻨﻮﻉ ﺍﻭﺭﻭﮞ ﺳﮯ ﺯﯾﺎﺩﮦ ﺍﻭﺭ ﺗﻌﻠﻘﺎﺕ ﮐﯽ ﺭﻧﮕﺘﯿﮟ ﺑﮭﯽ ﺯﯾﺎﺩﮦ ﻟﻄﯿﻒ ﺍﻭﺭ ﻧﮕﺎﮦ ﻓﺮﯾﺐ ﮨﯿﮟ ‘‘ ۔
ﺍﺳﯽ ﺳﻠﺴﻠﮯ ﻣﯿﮟ ﮈﺍﮐﭩﺮ ﻧﮕﮩﺖ ﺭﯾﺤﺎﻧﮧ ﺧﺎﻥ
ﻟﮑﮭﺘﯽ ﮨﯿﮟ
’’ ﮨﺎﺟﺮﮦ ﻣﺴﺮﻭﺭ ﮐﮯ ﺍﺑﺘﺪﺍﺋﯽ ﺩﻭﺭ ﮐﮯ ﺍﻓﺴﺎﻧﻮﮞ ﭘﺮ ﻋﺼﻤﺖ ﮐﯽ ﮔﮩﺮﯼ ﭼﮭﺎﭖ ﮨﮯ۔ ﻋﺼﻤﺖ ﮐﯽ ﺗﻘﻠﯿﺪ ﻣﯿﮟ ﺍﻧﮭﻮﮞ ﻧﮯ ﺍﭘﻨﮯ ﺍﻓﺴﺎﻧﻮﮞ ﻣﯿﮟ ﻗﺎﺭﯼ ﮐﻮ ﺟﻨﺲ ﮐﯽ ﺑﺪﻧﺎﻡ ﮔﻠﯿﻮﮞ ﮐﯽ ﺳﯿﺮ ﺑﮭﯽ ﮐﺮﺍﺋﯽ ﮨﮯ۔ ﯾﮩﺎﮞ ﺭﻭﻣﺎﻧﺲ ﮐﯽ ﻟﮩﺮﯾﮟ ﺑﮭﯽ ﮨﯿﮟ۔ ﺍﺱ ﮐﮯ ﻋﻼﻭﮦ ﻋﺼﻤﺖ ﮐﮯ ﻓﮑﺮﻭﻓﻦ ﮐﮯ ﺯﯾﺮ ﺍﺛﺮ ﺍﻥ ﮐﮯ ﺍﻧﺪﺍﺯِ ﺑﯿﺎﻥ ﻣﯿﮟ ﺗﯿﺰﯼ، ﺗﻨﺪﯼ، ﺷﻮﺧﯽ ﺍﻭﺭ ﻃﻨﺰ ﺑﮭﯽ ﭘﯿﺪﺍ ﮨﻮ ﮔﯿﺎ ﮨﮯ۔ ﺍﻥ ﮐﮯ ﭘﮩﻠﮯ ﺍﻓﺴﺎﻧﻮﯼ ﻣﺠﻤﻮﻋﮯ ’ ﮨﺎﺋﮯ ﺍﻟﻠﮧ ‘ ﮐﮯ ﺑﯿﺸﺘﺮ ﺍﻓﺴﺎﻧﮯ ﺟﻨﺴﯽ ﻣﻮﺿﻮﻋﺎﺕ ﭘﺮ ﻟﮑﮭﮯ ﮔﺌﮯ ﮨﯿﮟ ( ﯾﺎﺩ ﺭﮨﮯ ﮐﮧ ﺍﻥ ﮐﺎ ﭘﮩﻼ ﺍﻓﺴﺎﻧﻮﯼ ﻣﺠﻤﻮﻋﮧ ’ ﮨﺎﺋﮯ ﺍﻟﻠﮧ ‘ ﻧﮩﯿﮟ ﺑﻠﮑﮧ ’ ﭼﺮﮐﮯ ‘ ﮨﮯ ﺟﻮ ۱۹۴۴ﺀ ﻣﯿﮟ ﺷﺎﺋﻊ ﮨﻮﺍ۔ ’ ﮨﺎﺋﮯ ﺍﻟﻠﮧ ‘ ﺍﻥ ﮐﺎ ﺩﻭﺳﺮﺍ ﺍﻓﺴﺎﻧﻮﯼ ﻣﺠﻤﻮﻋﮧ ﮨﮯ ﺟﻮ ۱۹۴۶ﺀ ﻣﯿﮟ ﺷﺎﺋﻊ ﮨﻮﺍ۔ ﺍ۔ﻉ۔ﺩ ) ۔۔۔ ﻟﯿﮑﻦ ﺍﻥ ﺍﻓﺴﺎﻧﻮﮞ ﻣﯿﮟ ﺗﺤﻠﯿﻞ ﻧﻔﺴﯽ ﻧﮩﯿﮟ ﻣﻠﺘﯽ ﺑﻠﮑﮧ ﯾﮧ ﺟﻨﺴﯽ ﻣﯿﻼﻥ ﺻﺮﻑ ﮨﯿﺠﺎﻧﯽ ﮐﯿﻔﯿﺖ ﭘﯿﺪﺍ ﮐﺮﺗﺎ ﮨﮯ۔ ﺍﻟﺒﺘﮧ ﺑﻌﺪ ﻣﯿﮟ ﻟﮑﮭﮯ ﮔﺌﮯ ﺟﻨﺴﯽ ﺍﻓﺴﺎﻧﮯ ﺭﻗﯿﻖ ﺍﻭﺭ ﻋﻤﯿﻖ ﮨﯿﮟ ‘‘ ۔
ﮨﺎﺟﺮﮦ ﻣﺴﺮﻭﺭ ﮐﮯ ﺍﻓﺴﺎﻧﮯ ﺯﻧﺪﮔﯽ، ﻓﻦ ﺍﻭﺭ ﺷﺨﺼﯿﺖ ﮐﮯ ﻣﻌﺘﺪﻝ ﺍﻭﺭ ﻣﺘﻮﺍﺯﻥ ﺍﻣﺘﺰﺍﺝ ﮐﮯ ﻋﮑﺎﺱ ﮨﯿﮟ۔ ﺍﻥ ﮐﯽ ﮐﮩﺎﻧﯿﻮﮞ ﻣﯿﮟ ﺣﯿﺎﺕِ ﺍﻧﺴﺎﻧﯽ ﮐﯽ ﻣﻌﻤﻮﻟﯽ ﺳﯽ ﺗﺒﺪﯾﻠﯽ ﮐﯽ ﺑﮭﯽ ﺗﺼﺎﻭﯾﺮ ﺩﮐﮭﺎﺋﯽ ﺩﯾﺘﯽ ﮨﯿﮟ۔ ﻭﮦ ﻓﺮﺩ ﮐﯽ ﺫﮨﻨﯽ ﺍﻭﺭ ﺟﺬﺑﺎﺗﯽ ﮐﯿﻔﯿﺘﻮﮞ ﺳﮯ ﺑﮭﯽ ﻏﺎﻓﻞ ﻧﮩﯿﮟ ﮨﯿﮟ۔ ﻭﮦ ﭘﻮﺭﮮ ﺍﺧﻼﺹ ﮐﮯ ﺳﺎﺗﮫ ﺯﻧﺪﮔﯽ ﺳﮯ ﺭﺷﺘﮧ ﺟﻮﮌﺗﯽ ﮨﯿﮟ۔ ﮨﺎﺟﺮﮦ ﺍﻧﺴﺎﻧﯽ ﻓﮑﺮﻭ ﻋﻤﻞ ﮐﮯ ﺍﻥ ﭘﮩﻠﻮﺅﮞ ﮐﺎ ﺍﻧﺘﺨﺎﺏ ﮐﺮﺗﯽ ﮨﯿﮟ ﺟﻦ ﭘﺮ ﺩﻭﺳﺮﻭﮞ ﮐﯽ ﻧﻈﺮ ﻧﮩﯿﮟ ﭘﮍﺗﯽ۔
ﮈﺍﮐﭩﺮ ﻣﺴﻌﻮﺩ ﺭﺿﺎ ﺧﺎﮐﯽ ﮐﮩﺘﮯ ﮨﯿﮟ
’’ ﻣﺠﻤﻮﻋﯽ ﺣﯿﺜﯿﺖ ﺳﮯ ﺩﯾﮑﮭﺎ ﺟﺎﺋﮯ ﺗﻮ ﮨﺎﺟﺮﮦ ﻣﺴﺮﻭﺭ ﻧﮯ ﮨﻤﺎﺭﮮ ﻣﺎﺣﻮﻝ ﮐﯽ ﺩﮐﮭﺘﯽ ﺭﮔﻮﮞ ﭘﺮ ﺍﻧﮕﻠﯿﺎﮞ ﺭﮐﮭﯽ ﮨﯿﮟ۔ ﺍﻧﮭﻮﮞ ﻧﮯ ﻣﻮﺿﻮﻉ ﮐﯽ ﺟﺰﺋﯿﺎﺕ ﺍﻭﺭ ﻓﻨﯽ ﺗﺮﺑﯿﺖ ﮐﻮ ﯾﮑﺴﺎﮞ ﺍﮨﻤﯿﺖ ﺩﯼ ﮨﮯ ﺍﻭﺭ ﺍﺱ ﺍﻋﺘﺒﺎﺭ ﺳﮯ ﺍﻥ ﮐﮯ ﺍﮐﺜﺮ ﺍﻓﺴﺎﻧﮯ ﺍﻓﺴﺎﻧﻮﯼ ﻓﻦ ﮐﮯ ﺑﮍﮮ ﺍﭼﮭﮯ ﻧﻤﻮﻧﮯ ﺑﻦ ﮔﺌﮯ ﮨﯿﮟ۔ ﺍﻥ ﮐﮯ ﺍﻓﺴﺎﻧﻮﮞ ﻣﯿﮟ ﻧﻔﺴﯿﺎﺗﯽ ﮊﺭﻑ ﺑﯿﻨﯽ ﺑﮭﯽ ﮨﮯ ﺍﻭﺭ ﻣﻌﺎﺷﺮﺗﯽ ﺷﻌﻮﺭ ﮐﯽ ﮔﮩﺮﺍﺋﯽ ﺑﮭﯽ۔ ﺍﻥ ﮐﮯ ﻓﮑﺮﻭﻓﻦ ﭘﺮ ﯾﮧ ﺣﯿﺜﯿﺖ ﻣﺠﻤﻮﻋﯽ ﺗﺮﻗﯽ ﭘﺴﻨﺪ ﻋﻨﺎﺻﺮ ﮐﺎ ﻏﻠﺒﮧ ﮨﮯ ﻟﯿﮑﻦ ﺍﻥ ﻣﯿﮟ ﮐﮩﯿﮟ ﭘﺮﻭﭘﯿﮕﻨﮉﮮ ﮐﺎ ﺭﻧﮓ ﭘﯿﺪﺍ ﻧﮩﯿﮟ ﮨﻮﺍ ‘‘ ۔
ﺍﻧﮭﯿﮟ ﻧﭽﻠﮯ ﻃﺒﻘﮯ ﺍﻭﺭ ﻣﺘﻮﺳﻂ ﻃﺒﻘﮯ ﮐﯽ ﻣﺤﺮﻭﻣﯿﻮﮞ ﺍﻭﺭ ﻧﺎﺁﺳﻮﺩﮔﯿﻮﮞ ﮐﯽ ﺧﻮﺑﺼﻮﺭﺕ ﺗﺼﻮﯾﺮﯾﮟ ﺑﻨﺎﻧﮯ ﭘﺮ ﺑﮍﯼ ﻗﺪﺭﺕ ﺣﺎﺻﻞ ﮨﮯ ﮐﯿﻮﻧﮑﮧ ﺍﻧﮭﻮﮞ ﻧﮯ ﯾﮧ ﺳﺐ ﺍﭘﻨﯽ ﺁﻧﮑﮭﻮﮞ ﺳﮯ ﻣﺸﺎﮨﺪﮦ ﮐﯿﺎ ﺗﮭﺎ۔ ﺍﺳﯽ ﻟﯿﮯ ﺣﻘﯿﻘﺖ ﻧﮕﺎﺭﯼ ﮐﺎ ﺭﺟﺤﺎﻥ ﻏﺎﻟﺐ ﺩﮐﮭﺎﺋﯽ ﺩﯾﺘﺎ ﮨﮯ۔
ﺍﻥ ﮐﮯ ﺍﻓﺴﺎﻧﻮﮞ ﮐﮯ ﭘﻼﭦ ﮐَﺴﮯ ﮨﻮﺋﮯ ﮨﻮﺗﮯ ﮨﯿﮟ ﺍﻭﺭ ﺳﺎﺩﮦ ﻧﮩﯿﮟ ﺑﻠﮑﮧ ﭘﯿﭽﯿﺪﮦ ۔ ﻓﻦ ﭘﺮ ﺍﻥ ﮐﯽ ﮔﺮﻓﺖ ﻣﻀﺒﻮﻁ ﮨﮯ۔ ﺯﺑﺎﻥ ﻭ ﺑﯿﺎﻥ ﭘﺮ ﺍﻧﮭﯿﮟ ﻣﮑﻤﻞ ﻋﺒﻮﺭ ﺣﺎﺻﻞ ﮨﮯ۔ ﻭﮦ ﺛﻘﯿﻞ ﺍﻭﺭ ﺑﻮﺟﮭﻞ ﺍﻟﻔﺎﻅ ﮐﮯ ﺍﺳﺘﻌﻤﺎﻝ ﮐﯽ ﺑﺠﺎﺋﮯ ﺳﺎﺩﮔﯽ ﺍﻭﺭ ﺭﻭﺍﻧﯽ ﮐﯽ ﻗﺎﺋﻞ ﮨﯿﮟ۔ ﮈﺍﮐﭩﺮ ﺵ۔ﺍﺧﺘﺮ ﻧﮯ ﺍﻥ ﮐﮯ ﺍﺳﻠﻮﺏ ﮐﻮ ’ ﺧﻮﺍﺏ ﺳﮯ ﺑﯿﺪﺍﺭﯼ ‘ ﮐﺎ ﺍﺳﻠﻮﺏ ﮐﮩﺎ ﮨﮯ۔
ﺁﺧﺮ ﻣﯿﮟ ﯾﮧ ﮐﮩﻨﺎ ﭼﺎﮨﻮﮞ ﮔﺎ ﮐﮧ ﮨﺎﺟﺮﮦ ﻣﺴﺮﻭﺭ ﺍﺭﺩﻭ ﺍﻓﺴﺎﻧﮯ ﮐﺎ ﺍﯾﮏ ﺑﮍﺍ ﻧﺎﻡ ﮨﮯ۔ ﺟﺴﮯ ﮐﻮﺋﯽ ﺑﮭﯽ ﻧﻘﺎﺩ ﻧﻈﺮ ﺍﻧﺪﺍﺯ ﻧﮩﯿﮟ ﮐﺮ ﺳﮑﺘﺎ۔ ﮨﺎﺟﺮﮦ ﻧﮯ ﺍﺭﺩﻭ ﺍﻓﺴﺎﻧﮯ ﮐﻮ ﺍﻋﺘﺒﺎﺭ ﺍﻭﺭ ﻭﻗﺎﺭ ﻋﻄﺎ ﮐﯿﺎ۔ ﺍﻧﮭﻮﮞ ﻧﮯ ﻣﺘﻮﺳﻂ ﺍﻭﺭ ﻧﭽﻠﮯ ﻃﺒﻘﮯ ﮐﯽ ﺯﻧﺪﮔﯿﻮﮞ ﮐﮯ ﺩﮐﮭﻮﮞ، ﻏﻤﻮﮞ ﺍﻭﺭ ﻣﺴﺌﻠﻮﮞ ﮐﻮ ﺍُﺟﺎﮔﺮ ﮐﯿﺎ۔ ﻣﻌﺼﻮﻡ ﺍﻭﺭ ﺍﻟﮩﮍ ﻟﮍﮐﯿﻮﮞ ﮐﮯ ﺳﯿﻨﮯ ﻣﯿﮟ ﺟﻨﻢ ﻟﯿﻨﮯ ﻭﺍﻟﮯ ﺧﺎﻣﻮﺵ ﺟﺬﺑﺎﺕ ﮐﻮ ﺯﺑﺎﻥ ﻋﻄﺎ ﮐﯽ۔ ﻓﻦ ﮐﯽ ﺗﺤﺮﯾﺮ ﻣﯿﮟ ﻣﺸﺎﮨﺪﮮ ﮐﯽ ﮔﮩﺮﺍﺋﯽ ، ﺷﻌﻮﺭ ﮐﯽ ﭘﺨﺘﮕﯽ ﺍﻭﺭ ﺗﺠﺮﺑﮯ ﮐﯽ ﻭﺳﻌﺖ ﺷﺎﻣﻞ ﺗﮭﯽ۔
ﮨﺎﺟﺮﮦ ﻣﺴﺮﻭﺭ ﮐﺎ ﮨﺮ ﺍﻓﺴﺎﻧﮧ ﺯﻧﺪﮔﯽ ﺳﮯ ﻗﺮﯾﺐ ﺗﺮ ﮨﮯ۔
